Surxondaryolik ayol o‘zi va ikki farzandini o‘ldirmoqchi bo‘ldi
Voqea viloyatning Muzrabot tumanida sodir bo‘lgan. Ayol o‘zi va farzandlarini suvga tashlamoqchi bo‘lgan.
Joriy yiling 20-oktabr kuni soat 9 :30 atrofida ayol mudhish niyatini amalga oshirish maqsadida “Zang” kanali bo‘yiga keladi. Oiladagi muammolar Dilnozani ana shunday mudhish jinoyatga undaydi. Lekin uning niyati amalga oshmay qoladi.
Yaqin atrofni nazorat qilib yurgan ichki ishlar xodimi Bobomurod Arnoqulov ayolning harakatlaridan shubhalanib, uning yoniga boradi, maqsadini bilgach, vaziyatni yumshatishga, bunday ishni qilmaslikka daʼvat qiladi. Ana shundan so‘ng ayol bu fikridan qaytadi.
Qayd etilishicha, hozirda ushbu holat yuzasidan tergovga qadar tekshiruv harakatlari olib borilmoqda.
Avvalroq, o‘z joniga qasd qilishga moyil va ruhiyatida o‘zgarish bo‘lgan o‘quvchi qizlarning ro‘yxati shakllantirlishi haqida xabar bergandik.
