“Tolibon” yetakchilaridan biri TAPI loyihasi uchun har qanday qurbon berishga tayyorligini maʼlum qildi
Bu loyiha Afg‘onistonga yiliga 500 million dollar sof foyda olib kelishi mumkin.
“Tolibon” TAPI gaz quvuri qurilishiga ko‘maklashishga vaʼda berdi. Bu haqda The Express Tribune xabar berdi.
“Tolibon”ning yirik rahbarlaridan biri, Afg‘oniston mudofaa vaziri vazifasini bajaruvchi mulla Muhammad Yoqub TAPIni qo‘llab-quvvatlashini maʼlum qildi.
“Men TAPI milliy loyihasi xavfsizligi uchun to‘g‘ridan-to‘g‘ri javob beraman. Uning amalga oshirilishi uchun biz har qanday qurbonlar berishga tayyormiz”, – degan mulla Yoqub.
TAPI – Turkmanistonni gazini Afg‘oniston orqali Pokiston va Hindistonga yetkazib beradigan yirik gaz quvuri. Ushbu loyihani amalga oshirish 2015 yildan boshlangan. Uning umumiy qiymati 10 milliard dollarni tashkil etadi. Gaz quvuri umumiy uzunligi 1814 kilometr. Maʼlumotlarga ko‘ra, afg‘oniston bu loyiha amalga oshsa, yiliga 500 million dollar foyda oladi.
Avvalroq Turkmaniston prezidenti TAPI loyihasini amalga oshirilishi Afg‘onistonga katta foyda keltirishini maʼlum qilgandi. Shuningdek, O‘zbekiston va Rossiya temiryo‘lchilari transafg‘on temiryo‘li qurilishi ustida birgalikda ish boshlagani xabar qilingandi.
Jahongir Qo'ziyev
