Kelajak avlodlarga umid va ishonch beradigan qarorlar qabul qilish vaqti keldi — Rim Papasi
Fransisk, shuningdek, dunyoda ekologik qochqinlar soni oshishidan ogohlantirdi.
Rim papasi Fransisk iqlim o‘zgarishi va pandemiya oqibatlarini jahon urushi oqibatlari bilan qiyosladi. U bu haqda Glazgoda bo‘lib o‘tayotgan iqlim o‘zgarishi masalalariga bag‘ishlangan sammitda aytgan.
“Pandemiya va iqlim o‘zgarishining insoniyatga yetkazgan zarari global urushlar oqibatlari bilan bir xil. Xalqaro hamjamiyat bugun ham, xuddi ikkinchi jahon urushidan keyin bo‘lgani kabi, birdam va uzoqni ko‘zlaydigan harakatlarni amalga oshirishi kerak”, – degan Fransisk.
Shuningdek, Rim papasi tez orada ekologik migrantlar soni keskin oshishidan ogohlantirgan. Shu sababli u dunyoni masʼuliyatli bo‘lishga chaqirdi. Ukelajak avlodga umid va ishonch beradigan qarorlar qabul qilish vaqti yetib kelganini taʼkidlagan.
Shu bilan birga rivojlangan davlatlardan qashshoq mamlakatlarga iqlim o‘zgarishi oqibatlarini bartaraf etish uchun ko‘mak berishni so‘ragan.
Bundan avval Boris Jonson iqlim o‘zgarishini Jeyms Bond filmlaridagi vaziyat bilan qiyoslagandi.
Jahongir Qo'ziyev
