Saakashvili davlat to‘ntarishini amalga oshirmoqchi — Gruziya davlat xavfsizlik xizmati
Sobiq prezident tarafdorlari norozilik namoyishlariga tayyorgarlik ko‘rayotgani maʼlum qilindi.
Gruziya davlat xavfsizlik xizmatining fikricha, Mixail Saakashvilini davlat to‘ntarishi uyushtirmoqchi. Bu haqda tashkilot rasmiy vakili Bacha Mgeladze maʼlum qildi.
Taʼkidlanishicha, 6 noyabrdan boshlab Saakashvili saqlanayotgan Rustavi turmasi yaqinida alohida siyosiy guruhlar to‘planishi boshlangan. Shuningdek, bu yerga mamlakatning turli viloyatlaridan vakillar kelishi mumkin.
“Shu bilan birga Tbilisi shahrida ham norozilik aksiyalari o‘tkaziladi. Olingan maʼlumotlarga ko‘ra, ular davlat idoralarini binolarini qamal qilmoqchi. Bu xatti-harakatlarning barchasi Mixail Saakashvili tomonidan qamoqxonadan turib boshqarilmoqda”, – degan Mgeladze.
Maʼlumot o‘rnida: Saakashvili 1 oktyabr kuni qamoqqa olingan. U Gruziyaga 8 yillik tanaffusdan so‘ng qaytib keldi. Saakashvili 2004-2013 yillarda mamlakatni boshqargan. Shundan keyin keyin u Ukraina fuqaroligini qabul qilgan va bir qancha lavozimlarda ishlagan.
Sobiq prezident 1 oydan beri ochlik eʼlon qilgan.
Avvalroq Gruziya prezidenti hech qachon Saakashvilini afv qilmasligini aytgandi.
Jahongir Qo'ziyev
