O‘zbekistonda ilk bor xalqaro fizika olimpiadasi bo‘lib o‘tadi
8–13 noyabr kunlari Farg‘onada O‘zbekistonda ilk bor Ahmad al-Farg‘oniy nomidagi xalqaro fizika olimpiadasi bo‘lib o‘tadi.
Bugun Farg‘onada turli davlatlardan tashrif buyurgan ishtirokchilarni tantanali kutib olish marosimi o‘tkazildi.
Maʼlumot uchun: mazkur xalqaro olimpiadada Rossiya, Tojikiston, Qozog‘iston, Qirg‘iziston, Ummon sultonligi, Armaniston, Ozarbayjon, Belarus, Misr kabi dunyoning 15 dan ortiq davlatidan 100 nafardan ortiq o‘quvchi qatnashishi kutilmoqda.
Avvalroq IBO Xalqaro biologiya olimpiadasi va IMC 27 Xalqaro matematika musobaqasi natijalari eʼlon qilingani, Namanganlik qiz ham Prezident, ham al-Xorazmiy nomidagi maktab sinovidan o‘tgani, Zulfiya nomidagi Davlat mukofotiga talabgorlarni saralash jarayonlari boshlangani hamda Xalqaro fan olimpiadalari g‘oliblariga 122,5 mln so‘mdan pul mukofoti topshirilgani haqida xabar berilgandi.
