"GAI"da navbatdagi tartibsizlik: Samarqandda avtomashinalarga "texpasport berilmayapti, jarima bildirishnomalari jo‘natilmayapti
IIB YHXB xabar yuzasidan rasmiy maʼlumot berdi.
Vazirlar Mahkamasining 2017-yil 2-martdagi 116-son “Milliy haydovchilik guvohnomasining hamda avtomototransport vositasi ro‘yxatdan o‘tkazilganligi to‘g‘risidagi guvohnomaning yangi namunalarini joriy etish chora-tadbirlari to‘g‘risida”gi qaroriga muvofiq plastik ko‘rinishdagi guvohnomalar 2017-yil 1-oktabrdan joriy etilgan.
Avtomototransport vositasi ro‘yxatdan o‘tkazilganligi to‘g‘risidagi guvohnomalardan shu davrdan (2017 yil 1 oktyabrdan) 2021 yil mart oyi qadar bir oyda respublika bo‘yicha sarflanishi 80 ming tagacha bo‘lib, hozirgi kunda fuqarolarning avtomototransport vositasini rasmiylashtirish, qayta rasmiylashtirish, eski namunadagi qayd etish guvohnomasini yangi namunasiga almashtirish bo‘yicha murojaatlar soni ortganligi bois, bir oyda guvohnomalarni berilishi 140 mingtagacha ortdi. Bu esa o‘z navbatida zahirada saqlanayotgan guvohnomalarni sarflanishiga olib keldi va guvohnomalarni o‘z vaqtida yetkazib berilishida kamchiliklarga yo‘l qo‘yilganligi sababli avtomototransport vositasi egalariga vaqtinchalik talonlar tarqatildi.
Mazkur kamchiliklarni bartaraf qilish maqsadida Yo‘l harakati xavfsizligi bosh boshqarmasi tomonidan guvohnomalar uchun buyurtmalar soni ko‘paytirilib, hozirda olib kelingan guvohnomalarni hududlarga tarqatilish jarayoni amalga oshirilmoqda.
Yuqoridagi holat bo‘yicha IIB YHXB avtomototransport vositalari egalaridan yetkazilgan noqulayliklar uchun uzr so‘radi.
Avvalroq, YPX xodimiga "Malibu"ni qo‘yib yuborishni talab qilgan "komandir" jarimaga tortilgani hamda profilaktika inspektorining egnidagi xizmat kiyimini yirtgan fuqaroga jinoyat ishi qo‘zg‘atilgani haqida xabar berilgandi.
Munojat Valiyeva
