Qozog‘iston shimolida Afg‘oniston fuqarolari qo‘lga olindi
Ular noqonuniy yo‘llar bilan Rossiyaga o‘tishga harakat qilishgan.
Rossiya va Qozog‘iston chegarasida Afg‘onistonning to‘qqiz nafar fuqaromi qo‘lga olindi. Bu haqda “Sputnik Kazaxstan” xabar berdi.
Hodisa G‘arbiy-Qozog‘iston viloyatida yuz bergan. Ular respublikaga oktyabr oyida, katta ehtimol bilan Jambul viloyat orqali kirib kelgan. Butun mamlakatni noqonuniy kesib o‘tib, ular Bayterek tumani orqali Rossiyaga kirishga harakat qilgan. Qozog‘iston Milliy xavfsizlik qo‘mitasi ushbu maʼlumotlarni tasdiqladi.
Ular Rossiya chegarachilari tomonidan qo‘lga olingan.
Hozirda Qozog‘iston JKning “Noqonuniy migratsiyani tashkil qilish” bo‘yicha 394-moddasi bilan jinoiy ish ochilgan.
Avvalroq Tojikistonda saqlanayotgan afg‘on harbiylari AQSHga olib ketilgani xabar qilingandi.
Jahongir Qo‘ziyev
