Andijonda 63 millionlik noqonuniy pirotexnika vositalari to‘xtatib qolindi
Tekshiruv davomida noqonuniy vositalar ortilgan avtomashina Andijon shahrida yashovchi 45 yoshli ayolga tegishli bo‘lgan.
Andijonda Milliy gvardiya hamda viloyat Bojxona boshqarmasi xodimlari hamkorligida tezkor tadbir o‘tkazildi.
Unda Mashrab ko‘chasida davlat raqami “60 R 871 QA” bo‘lgan “Damas” rusumli avtomashinasi to‘xtatilib ko‘zdan kechirilgan. Mashina salonidan “TRENIYA” nomli 3 840 quti (211 200 dona) va 750 quti (7 500 dona) “PETARDI” nomli pirotexnika vositalari mavjudligi aniqlangan.
Ularning umumiy qiymati 63 million so‘mga baholangan.
Hozirda mazkur holat yuzasidan hujjatlar rasmiylashtirilgan va dastlabki tergov-surishtiruv ishlari olib borilmoqda.
Eslatib o‘tamiz, avvalroq Buxoro viloyati bojxona boshqarmasi 8800 dona pirotexnika vositalarini noqonuniy sotayotgan shaxsni ushlagandi. Shuningdek, Navoiyda XIX asrga tegishli tanga va qog‘oz kupyuralarni xorijga olib chiqib ketayotgan shaxslar aniqlangani haqida xabar berilgandi.
Cho‘lponoy Ahmedova
