“PSJ” prezidenti Neymarni “Barsa”ga taklif qildi
Klub futbolchi uchun 80 million yevro so‘ramoqda.
“PSJ” prezidenti Nosir Al-Xelayfiy Neymarni vositachilar orqali “Barselona”ga taklif qildi.
Ayni vaqtda parijliklar asosiy eʼtiborini Kilian Mbappe bilan shartnomani uzaytirishga qaratishgan. Mbappening maoshini oshirish uchun “PSJ” kelasi yilning yozida Neymar bilan xayrlashishga tayyor ekanligini maʼlum qildi.
Xelayfiy braziliyalik futbolchini “Barsa”dan tashqari yana bir qancha premyer-liga klublariga taklif qilgan. “PSJ” Mbappe ketgan taqdirda ham uni sotishga tayyor bo‘lishi mumkin, chunki u so‘nggi vaqtlarda o‘z o‘yinini namoyish etolmayapti.
Biroq xabarlarga ko‘ra, “Barsa” Neymar bilan shartnoma imzolashni xohlamayapti. Jamoa rahbariyatining fikricha, uning “Kamp Nou”dagi davri o‘tmishda qolib ketgan.
Avvalroq Parij klubi Karim Benzemani o‘z safiga qo‘shib olmoqchiligi va Abramovich Azarni Londonga qaytarmoqchiligi haqida xabar berilgandi.
Jamshidbek Amirov
