Bugun “Roma” Shomurodovning sobiq jamoasiga qarshi o‘ynaydi
Eldor Shomurodov Genuyaga yo‘l oldi.
Terma jamoamiz tarkibidagi Eldor Shomurodov to‘p tepadigan “Roma” Italiya A seriyasining navbatdagi turida “Jenoa” maydoniga safar qiladi.
Ayni vaqtda “Roma” 12 turda 19 ochko bilan 6-o‘rinda bormoqda. “Jenoa” esa 9 ochko jamg‘argan bo‘lib, 17-pog‘onadan o‘rin olgan. Eldor Shomurodov 10 ta uchrashuvda bitta gol urdi.
Maʼlumot uchun: Rimliklar Eldor Shomurodovning sobiq jamoasiga qarshi maydonga tushadi. Uchrashuv 21-noyabrdan, 22- noyabrga o‘tar kechasi Genuyadagi “Luijji Ferraris” stadionida Toshkent vaqti bilan 00:4 5da boshlanadi.
20-noyabrdan Italiyada 13-tur bahslari boshlandi. Bugun “Roma” “Jenoa” bilan o‘zaro bellashadi.
Eslatib o‘tamiz, Shomurodov o‘tgan mavsumda A Seriyada 31 ta bahsda maydonga tushib, 8 ta gol urgan.
Avvalroq Eldor Shomurodov “Roma”da bir mavsumda 2 million yevro maosh olishi, Rimda bo‘lib o‘tgan xayriya tashabbusida ishtirok etgani, “Roma” bilan 5 yillik shartnoma imzolagani hamda osiyolik eng qimmatbaho futbolchilar o‘nligidan joy olgani haqida xabar berilgandi.
