Aleksandr Lukashenko Polshaga murojaat qildi
Shuningdek, u migrantlardan siyosiy qurol sifatida foydalanmaslikka vaʼda bergan.
Belarus prezidenti Polsha hukumatiga murojaat bilan chiqdi. Bu haqda “TASS” xabar berdi.
Aleksandr Lukashenko bu haqda Polsha-Belarus chegarasida turgan qochqinlar lagerida aytib o‘tgan. Belarus rahbari Varshavadan qochqinlarni Germaniyaga o‘tkazib yuborishni so‘ragan. Uning fikricha, faqat shu orqali mavjud inqirozni hal etish mumkin.
Shuningdek, Lukashenko migrantlardan qurol sifatida foydalanmasligini maʼlum qildi.
“Sizning taqdiringizdan siyosiy maqsadlarda foydalanmaymiz”, – deb qayd etgan u.
Shu bilan birga u Belarus orqali G‘arbga borishni istagan qochqinlarga qarshilik qilmasligini taʼkidlagan.
Avvalroq YEI Polsha chegarasida turgan migrantlarga 700 ming yevro ajratgani hamda Polsha chegaraga 10 ming askar joylashtirgani to‘g‘risida xabar qilingandi.
Jahongir Qo‘ziyev
