Dembeleni “Nyukasl” klubining taklifi qiziqtirmadi
“Barselona” yarim himoyachisi Usmon Dembele “Nyukasl” klubiga o‘tish niyatida emas.
“Diario Sport” nashri xabariga ko‘ra, ayni damda fransiyalik futbolchini “Nyukasl”ning taklifi qiziqtirmayapti. Ingliz klubi futbolchi uchun 15 million yevro to‘lashga tayyor ekanligini maʼlum qilgan.
Hozirda Dembele “Barselona” bilan yangi shartnoma imzolash bo‘yicha muzokara olib bormoqda. Fransiyalik futbolchining “Barselona” bilan amaldagi shartnomasi 2022 yilning iyun oyida yakuniga yetadi.
Eslatib o‘tamiz, 24 yoshli yarim himoyachi ushbu mavsumda jarohati sabab kataloniyaliklar safida bironta o‘yinda ishtirok etmadi.
Avvalroq “Nyukasl” yana bir yulduz futbolchini safiga qo‘shib olmoqchiligi va klub bosh murabbiyi Stiv Bryus isteʼfoga chiqarilgani haqida xabar berilgandi.
Jamshidbek Amirov
