“Нюкасл” яна бир юлдузни “нишонга олди”
Дортмунднинг “Боруссия” клуби ярим ҳимоячиси Аксел Витзел январь ойида “Нюкасл” клубига ўтиши мумкин.
“Tutto Juve” нашри тарқатган хабарга кўра, инглизлар Бельгия терма жамоасининг 32 ёшли ўйинчисига йилига тахминан 10 миллион евро маош таклиф қилишган. Бу футболчининг ҳозирги маошидан 3 миллион евро кўп дегани.
Бундан ташқари бугунги кунда Витзелни “Ювентус” клуби ҳам ўз сафига қўшиб олишга ҳаракат қилмоқда. Туринликлар футболчига 7 миллион евро маош беришларини маълум қилган.
Эслатиб ўтамиз, бельгиялик футболчининг немис клуби билан шартномаси 2022- йилнинг 30 июнида якунига етади.
Аввалроқ Коутиньо “Барса”дан кетмоқчи эмаслиги ва “Ливерпул” таркибига Груневелдни қўшиб олмоқчилиги ҳақида хабар берилганди.
Жамшидбек Амиров
