Braziliyada 7 kishi suv toshqini qurboniga aylandi
Ko‘plab shahar va qishloqlar ofat tufayli tashqi dunyodan uzilib qolgan.
Braziliya shimoli-sharqida yomg‘irlar suv toshqinlarini keltirib chiqardi. Natijada kamida yetti kishi halok bo‘ldi, 175 kishi jabrlangan. Bu haqda Sinxua agentligi xabar berdi.
Minglab odamlar o‘z uylarini tark etib vaqtinchalik boshpana izlashga majbur bo‘lmoqda. Kuchli toshqin bir qancha shahar va qishloq hududlarini tashqi dunyodan butunlay uzib qo‘ydi, bu esa qutqaruvchilarning ishini ancha qiyinlashtirmoqda.
Harbiylar 200 dan ortiq odamlarni ikkita vertolyot yordamida qutqarishdi. Braziliya prezidenti va Baxiya shtati gubernatori jabrlangan hududlarga tashrif buyurib, ularga tiklanish uchun moliyaviy yordam ko‘rsatishga vaʼda berishdi.
Avvalroq, Kanadada kuchli shamol 200 mingdan ortiq odam elektr energiyasisiz qolgani xabar qilingan edi.
