O‘zbekistondan xorijga ketadigan muhojirlarga 1000 AQSH dollar ekvivalentida kredit beriladi
Ushbu kreditni olish uchun Tashqi mehnat migratsiyasi agentligi bilan shartnoma tuzish lozim.
Mazkur kredit mamlakatdan tashqarida vaqtinchalik mehnat faoliyatini boshlash bilan bog‘liq dastlabki xarajatlarni to‘lash uchun mo‘ljallangan.
Bunda mehnat migrantlariga xorijda ishga joylashish bilan bog‘liq xarajatlarni to‘lash uchun bank kuni davomida tez rasmiylashtirilgan holda 2 million so‘m miqdorida 1 yil muddatga beriladi:
-2020-yil 1-yanvardan Markaziy bankning qayta moliyalash stavkasida;
- 2021-yil 1-yanvardan tijorat banklari tomonidan bozor tamoyillari asosida mustaqil ravishda o‘rnatiladigan stavkada.
Kredit uchun talab qilinadigan hujjatlar:
➖bank tomonidan belgilangan shakldagi ariza;
➖qarz oluvchi va qo‘shimcha to‘lovchining pasporti;
➖mehnat organining iltimosnomasi.
Sug‘urta kompaniyalariga yiliga bir marotaba xorijda vaqtinchalik mehnat faoliyatini amalga oshirish davrida fuqarolar hayoti va sog‘lig‘ini hamda boshqa tavakkalchiliklarni sug‘urtalash bo‘yicha sug‘urta mukofoti summasini qoplash uchun sug‘urtalangan har bir mehnat migranti uchun 50 ming so‘m miqdorida bir martalik subsidiyalar ham beriladi.
Eslatib o‘tamiz, avvalroq Rossiyadagi mehnat muhojirlari uchun patent narxi o‘zgargani hamda Rossiya va O‘zbekiston o‘rtasida imzolangan memorandum muhojirlikdagi bolalar huquqlarini himoya qilishi haqida xabar berilgandi.
Cho‘lponoy Ahmedova
