Ukraina qishki Olimpiya o‘yinlari mezbonligini qo‘lga kiritmoqchi
Ukraina 2028 yil yoshlar va 2030 yil kattalar o‘rtasida o‘tadigan qishki Olimpiya o‘yinlariga mezbonlik qilmoqchi.
Bu haqda mamlakat yoshlar va sport vaziri Vadim Gutsayt maʼlum qildi.
Mutaxassis o‘z nutqida davlatning yaqin 9 yillik rejalari haqida gapirar ekan, bunda yoshlar va kattalar o‘rtasidagi qishki Olimpiya o‘yinlariga mezbonlik masalasi ham borligiga to‘xtalib o‘tgan. Bir vaqtning o‘zida Ukraina qilichbozlik federatsiyasi rahbari hisoblanmish Vadim Gutsayt bu bilan mamlakat imijini ko‘tarish, dunyodagi yirik investorlarni jalb qilgan holda infratuzilmani rivojlantirish va yaxshilash rejalashtirilganini ham taʼkidlagan.
Eslatib o‘tamiz, 2022 yilgi qishki Olimpiya o‘yinlari Pekin, 2026 yil esa Milan shahrida bo‘lib o‘tadi.
Avvalroq, Olimpiya va Paralimpiya o‘yinlari tashkil etilishi va Olimpiya o‘yinlariga o‘zgartirish kiritilgani haqida xabar berilgandi.
Jamshidbek Amirov
