Mixail Saakashvili kasalxonadan qamoqxonaga qaytdi
Uning advokati siyosatchining ahvoli yomon ekanini aytmoqda.
Mixail Saakashvili yana Rustavi qamoqxonasiga olib ketildi. Bu haqda Euronews.com xaber berdi.
Gruziyaning sobiq prezidenti noyabr oyining oxiridan beri davolanayotgan Gori kasalxonasidan u yerga olib ketildi.
Siyosatchining advokatlari ayni damda uning ahvoli og‘ir ekanini ta’kidlamoqda.
Ma’lumot uchun: Mixail Saakashvili 1-oktyabr kuni Gruziyaga qaytib keldi va u yerda to‘rtta jinoiy ish bo‘yicha ayblanuvchi sifatida hibsga olindi. Ulardan ikkitasida u aybdor deb topilib, uch va olti yillik qamoq jazosiga hukm qilindi. Yana ikkita ish ko‘rib chiqilmoqda.
Avvalroq Saakashvili o‘zini siyosiy mahbus deb hisoblagani uchun ochlik e’lon qilgan edi. Bu 50 kun davom etdi. Keyin sog‘lig‘i yomonlashgani sababli qamoqxona kasalxonasiga yotqizilgan.
Eslatib o‘tamiz, AQSH Gruziya hukumatini Saakashviliga nisbatan adolatli bo‘lishga chaqirgan edi.
