NATO-Rossiya kengashida qaysi masalalar muhokama qilinadi?
Tashkilot bosh kotibi bu haqda ma'lumot berdi.
NATO bosh kotibi Yens Stoltenberg Rossiya bilan bo‘lajak muzokaralarda qaysi masalalar muhokama qilinishini maʼlum qildi. Bu haqda u Twitter sahifasida xabar bergan.
“Yevropadagi xavfsizlik, ayniqsa, Ukraina va uning atrofidagi vaziyat, harbiy faollik, o‘zaro ochiqlik va xavfni kamaytirish masalalarini muhokama qilish maqsadida 12-yanvar kuni NATO-Rossiya kengashini chaqirdim”, – degan Stoltenberg.
Maʼlumot o‘rnida: 12-yanvar kuni Bryusselda Rossiya-NATO kengashi bo‘lib o‘tadi. Unda Yevropada xavfsizlik, NATOning Sharqqa qarab siljishini to‘xtatish va Rossiya chegaralari yaqinida raketa hamda boshqa tizimlarni joylashtirmaslik masalalari ko‘tariladi.
Avvalroq Jozef Bayden Vladimir Zelenskiy bilan Rossiya-Ukraina chegarasidagi vaziyatni muhokama qilgandi.
Jahongir Qo‘ziyev
