Toshkent kimyo-texnologiya instituti “super-kontrakt”dan voz kechmoqchi
Shuningdek, oliygohda to‘lov-kontrakt miqdori o‘zgarishi mumkin.
Institut rektori Botir Usmonovning AOKAda o‘tkazilgan matbuot anjumanida ma’lum qilishicha, yangi o‘quv yilidan boshlab “super-kontrakt” asosida talabalarni o‘qishga qabul qilish to‘xtatilishi mumkin.
"Institutga moliyaviy mustaqillik berildi. Endi to‘lov-kontrakt miqdorida o‘zgarish bo‘ladimi? Bu bo‘yicha qaror — 2022-2023-o‘quv yili uchun qabul qilinadi. Bu yil ikkinchi semestr uchun narxlar o‘zgarmaydi.
Biz keyingi yildan boshlab super-kontraktga talaba qabul qilishdan voz kechishga harakat qilamiz. Chunki biz ta’lim sifatiga asoslangan «brend» yaratishni maqsad qilganmiz. Shu bois faqat iqtidorli va ishlab chiqaruvchilarga ma’qul keladigan nomzodlarni talabalikka qabul qilamiz", — deya ta’kidladi rektor.
