0
AQSH fuqarolari Afg‘onistonni tark eta olmayapti — CNN
Telekanal maʼlumotlariga ko‘ra, “Tolibon” bunga to‘sqinlik qilyapti.
80 nafar AQSH fuqarolari Afg‘onistondan chiqa olmayotgani maʼlum bo‘ldi. Bu haqda CNN xabar berdi.
Unga ko‘ra, ushbu shaxslar evakuatsion reyslar yo‘qligi tufayli Kobulni tark eta olmagan. Telekanal maʼlumotlariga ko‘ra, “Tolibon” bir oydan beri evakuatsiya uchun mo‘ljallangan samolyotlarning uchishiga ruxsat bermayapti. Hozircha aviaqatnovlar qachon tiklanishi maʼlum emas.
AQSH davlat departamenti matbuot kotibi Ned Prays seshanba kuni Vashington kuzdan buyon 900 ga yaqin kishini Afg‘onistondan olib chiqib ketganini qayd etgan.
Avvalroq “Tolibon” o‘zining eng ashaddiy dushmani bilan muzokara o‘tkazgani to‘g‘risida xabar berilgandi.
Jahongir Qo'ziyev
