AQSH Shimoliy Koreya bilan mavjud muammolarni muhokama qilmoqchi
Pentagon bu haqda bayonot berdi.
AQSH Shimoliy Koreya bilan muzokara o‘tkazmoqchi. Bu haqda Pentagon matbuot kotibi Jon Kirbi maʼlum qildi.
“Albatta, biz muzokaralar stoliga o‘tirishga tayyormiz. Ammo shu paytgacha Pxenyan buni amalga oshirish uchun hech narsa qilmadi”, – degan u.
Shu bilan birga Kirbi Vashington Shimoliy Koreyaga nisbatan turli vositalarni qo‘llashi mumkinligini qayd etgan. Lekin diplomatik usullar AQSH administratsiyasining ustuvor yo‘nalishi ekanligi taʼkidlangan.
KXDR yangi yilni tom maʼnoda raketalar bilan boshladi: so‘nggi ikki hafta ichida u uch marta raketa sinovlari o‘tkazdi. Bu mintaqadagi yirik kuchlarning noroziligiga sabab bo‘lmoqda.
Avvalroq AQSH BMTdan Shimoliy Koreya bilan aloqador firma va shaxslarga sanksiya joriy etishni so‘ragani to‘g‘risida xabar qilingandi.
Jahongir Qo‘ziyev
