JARda maktab o‘quvchisi o‘z sinfdoshini otib o‘ldirdi
Otishma sodir etgan 16 yoshli o‘quvchi o‘ziga ham o‘q uzgan.
Janubiy Afrikada 16 yoshli o‘quvchi maktabda sinfdoshini otib o‘ldirgandan so‘ng, o‘ziga ham o‘q uzdi. Bu haqda BBC xabar berdi.
Otishma Gauteng provinsiyasi Deyviton shahridagi o‘rta maktabda taʼtildan keyin darslar qayta boshlangan kunning ertasiga sodir bo‘lgan.
Qurbonlarning ikkalasi ham 10-sinf o‘quvchilari. Hozirda politsiya otishma sabablari va holatlarini o‘rganmoqda. Vaziyatni hal qilish uchun allaqachon maktabga psixologlar yuborilgan.
Avvalroq AQSHning Michigan shtatida 15 yoshli o‘smir maktabda o‘q uzgan edi. Keyin uch kishi halok bo‘ldi, sakkiz kishi yaralandi. Shuningdek, Perm universitetida otishma sodir etgan talaba umrbod qamoq jazosiga hukm qilingandi.
