AQSHda jonli efir vaqtida jurnalistni mashina urib ketdi
Zarbadan keyin jurnalist o‘rnidan turib reportajni davom ettirgan.
AQSHda jurnalistni jonli efir vaqtida mashina urib yubordi, biroq u o‘rnidan turib reportajni davom ettirdi.
Bu haqda WSAZ telekanali xabar berdi.
Jurnalist Tori Yorgi Dunbardagi studiya bilan bog‘lanib, suv quvurining uzilishi haqida xabar berayotganda uni mashina urib yubordi.
"Yo xudoyim, meni hozirgina mashina urib yubordi, lekin men yaxshiman", - dedi Yorgi jonli efirda.
Zarbadan so‘ng haydovchi ayol jurnalistdan ahvolini so‘ragani eshitilgan. Hodisadan keyin Tori Yorgi mashinani boshqarayotgan ayolni va studiya boshlovchisi Tim Irrni yaxshi ekanligiga ishontirdi va hisobot berishda davom etdi.
Jurnalistning tushuntirishicha, u mashina yo‘lida emas, piyodalar yo‘lagida bo‘lgan. Uning so‘zlariga ko‘ra, voqea shu qadar tez sodir bo‘lganki, uni mashina urib ketganini dastlab tushunmagan.
Avvalroq Argentinaning Buenos-Ayres shahrida mahalliy telekanal muxbiri Karlos Ferrera jonli efir vaqtida issiqdan hushidan ketgani xabar qilingan edi.
