Kiyev Ukraina sharqiga alohida maqom berishga tayyor — Olaf Shols
Бу ҳақда канцлер Зеленский билан учрашувдан кейин маълум қилган.
Germaniya kansleri Olaf Shols Ukraina prezidenti Donbassga alohida maqom berishga tayyorligini aytgan.
Sholsning so‘zlariga ko‘ra, Zelenskiy sharqiy hududlarga alohida maqom, konstitutsiya islohoti va saylov huquqi islohotiga tayyorligini bildirgan. Siyosatchi ushbu loyihalar Donbass bo‘yicha muloqot guruhiga kiritilishini aytgan.
Donesk va Lugansk viloyatlariga alohida maqom taqdim etish Minsk kelishuvlarining asosiy sharti hisoblanadi. aynan shu punkt Kiyevning keskin noroziligiga sabab bo‘li keladi. Ayrim siyosatchilarning fikricha, bu Ukraina hududiy yaxlitligiga putur yetkazishi mumkin.
Maʼlumot o‘rnida: So‘nggi vaqtlarda G‘arb Rossiyani Ukrainaga bostirib kirish niyatida ekanini aytib kelmoqda. O‘z navbatida Moskva buni inkor qilyapti. Oxirgi kunlarda 20 dan ortiq davlat o‘z fuqarolarining Ukrainaga borishini taqiqladi. Buyuk Britaniya va AQSH esa elchixonasini Kiyevdan ukraina g‘arbidagi Lvovga ko‘chirmoqda.
Eslatib o‘tamiz, avvalroq O‘zbekistonning Ukrainadagi elchixonasi vatandoshlarni vahimaga tushmaslikka chaqirgandi.
Jahongir Qo‘ziyev
