O‘zbekiston Yevroosiyo kengashi yig‘ilishida kuzatuvchi sifatida ishtirok etdi
Hukumatlararo kengash O‘zbekistonning YEOIIning loyihalar bo‘yicha ishida ishtirokini qo‘llab-quvvatladi.
Bugun, 25-fevral kuni Bosh vazir Abdulla Aripov Yevrosiyo hukumatlararo kengashi aʼzolari yig‘ilishida so‘zga chiqib, O‘zbekiston iqlim, raqamlashtirish va logistika bo‘yicha YEOII loyihalariga qo‘shilish niyatida ekanini taʼkidladi.
"Hurmatli hamkasblarimdan O‘zbekistonning elektron tijoratni rivojlantirish, temir yo‘l yuklarini raqamlashtirish, "Yevroosiyo Ekspress" logistika loyihasi va bugungi yig‘ilishda ko‘rib chiqilayotgan iqlim masalalari bo‘yicha hamkorlik kabi tashabbuslarda ishtirok etishini maʼqullashingizni so‘rayman", – dedi Aripov.
O‘zbekiston Prezidenti Shavkat Mirziyoyev Yevrosiyo iqtisodiy komissiyasi organlarida kuzatuvchi mamlakatlarning ishtirokini kengaytirish tashabbusi bilan chiqdi, shuningdek, Yevrosiyo makonida muhim biznes tashabbuslari va dasturlarini amalga oshirishda kuzatuvchi davlatlarni yana-da faol jalb etishni taklif qilgan edi.
Yevroosiyo hukumatlararo kengashi O‘zbekiston Respublikasining Yevroosiyo iqtisodiy ittifoqi ishida o‘zaro manfaatdorlik yo‘nalishlari bo‘yicha ishtirokini kengaytirish to‘g‘risidagi tashabbusini mamnuniyat bilan kutib oldi.
Shu bilan birga, Yevroosiyo iqtisodiy komissiyasining Hayʼat aʼzolari Ittifoq davlatlari bilan birgalikda alohida loyihalar bo‘yicha YEOIIda kuzatuvchi davlatlar bilan o‘zaro hamkorlik shakli va algoritmini tasvirlaydigan tartibni ishlab chiqish vazifasi yuklatildi.
YEII savdo vaziri Andrey Slepnyov:
"O‘zbekiston iqlimiy kun tartibidagi masalalar, temir yo‘l yuklarini raqamlashtirish, elektron savdo, "Yevroosiyo agroekspress" loyihasini amalga oshirish kabi to‘rtta yo‘nalish bo‘yicha ish olib borishga qiziqish bildirdi".
Shuningdek, u 2021-yil 14-oktyabr va 10-dekabr kunlari O‘zbekiston Respublikasi Prezidenti Shavkat Mirziyoyev Oliy Yevroosiyo iqtisodiy kengashi majlislarida o‘zaro savdo hajmini oshirish bo‘yicha hamkorlikni faollashtirishni taklif qilganini eslatdi.
Abdulla Aripov shuningdek, YEOII hamkorlariga temir yo‘l va avtotransportda yo‘lovchi tashishni tiklash taklif qilindi.
Uning taʼkidlashicha, 2025 yilgacha Yevroosiyo iqtisodiy integratsiyasining strategiyasi transport infratuzilmasini, jumladan, YEOIIni "Bitta belbog‘, bitta yo‘l" tashabbusi bilan bog‘lash doirasida rivojlantirishni nazarda tutadi.
"Shu nuqtai nazardan “Xitoy-Qirg‘iziston-O‘zbekiston” temir yo‘li qurilishi loyihasini real amalga oshirish mintaqaviy transport tarmog‘ining muhim bo‘g‘iniga aylanishi mumkin", - deb qo‘shimcha qildi Aripov.
Hukumat rahbari, shuningdek, O‘zbekiston Yevroosiyo iqtisodiy komissiyasi bilan o‘zaro hamkorlik bo‘yicha "yo‘l xaritasi"ni muvofiqlashtirishni yakunlayotganini maʼlum qildi. Bosh vazir O‘zbekistonning Yevroosiyo taraqqiyot bankiga aʼzo bo‘lish shartlari va tartiblarini kelishish jarayoni ham faol davom etayotganini qo‘shimcha qildi.
Maʼlumot uchun: O‘zbekiston 2020-yil dekabr oyida YEOIIda kuzatuvchi maqomiga ega bo‘ldi. YEOII 2015-yildan buyon faoliyat yuritmoqda. Unga Rossiya, Belarus, Armaniston, Qozog‘iston va Qirg‘iziston kiradi.
