Shavkat Mirziyoyev Pokiston Bosh vaziri qarorgohiga ko‘chat ekdi
Ayni paytda Prezident davlat tashrifi bilan Pokistonga bo‘lib turibdi.
Prezident matbuot kotibining xabar qilishicha, Pokiston Bosh vazirining qarorgohida O‘zbekiston Respublikasi Prezidentini rasmiy kutib olish marosimi bo‘lib o‘tgan.
Marosimda Shavkat Mirziyoyev va Imron Xon faxriy qorovul oldidan o‘tib, shohsupaga ko‘tarilgan. O‘zbekiston va Pokistonning davlat madhiyalari yangragan.
Marosimda ikki mamlakat rasmiy delegasiyalari a’zolari ham hozir bo‘lgan.
Shavkat Mirziyoyev xalqlarimiz do‘stligi, hamjihatligi ramzi sifatida qarorgoh bog‘iga ko‘chat ekkan.
Shundan so‘ng, ikki mamlakat yetakchilarining tor doiradagi muzokarasi boshlangan.
