Talaba bo‘lganimda ikkita joyda ishlardim — Shavkat Mirziyoyev
Prezident videoselektor yig‘ilishida o‘zining talabalik yillarini yodga oldi.
Shavkat Mirziyoyev oliy ta’lim muassasalari talabalari bandligini ta’minlash orqali ularning turmush darajasini yaxshilash chora-tadbirlari yuzasidan videoselektor yig‘ilishida o‘zining yoshlik yillarini yodga oldi.
“Men o‘zim talaba bo‘lganimda ikkita joyda ishlar edim. Bizda “voyennaya kafedra” bor edi va nasoslarni “regulirovka” qilish bo‘yicha. Hozirgacha esimdan chiqmaydi, ikkita joyda yaxshi oylik olar edim. 56 so‘m bitta kafedradan, 42 so‘m bitta kafedradan”, — degan prezident.
Shuningdek, Prezident maqsadga erishish uchun izlanish va mehnat qilish kerakligini aytib o‘tgan.
