Olmaliqda qimmatbaho metall o‘g‘rilari qo‘lga olindi
Ular salkam 120 mln so‘mlik sanoat mahsulotini o‘marishgan.
DXXning Toshkent viloyati boshqarmasi xodimlari va boshqa huquqni muhofaza qiluvchi organlar hamkorligida tezkor tadbir o‘tkazildi. Unda qimmatbaho metall o‘g‘rilarini qo‘lga olingan.
Ma’lum qilinishicha, olmaliqlik fuqaro “Olmaliq KMK” AJning bir guruh ishchilari bilan jinoiy til biriktirgan. U “Oltin va kumushni afinajlash syexi”ning kiyim almashtirish xonasiga qimmatbaho metall – sanoat qumlarini yashirib qo‘ygani fosh bo‘lgan.
Huquqni muhofaza qiluvchi organlar xodimlari tomonidan ushbu yacheykaning pastki qismida perchatkada joylashtirilgan umumiy og‘irligi 4 kg 435 gr sanoat mahsuloti – shlam prosessual tarzda rasmiylashtirib olingan. Laboratoriya tahlili natijalariga ko‘ra, ushbu sanoat qumlari tarkibida umumiy narxi 117,5 mln so‘mlik 160,5 gr qimmatbaho metalllar mavjudligi aniqlangan.
Fuqaro Chirchiq shahrida “Olmaliq KMK” AJning qo‘riqlash xizmatiga bo‘lib o‘tayotgan qabulga qatnashish uchun kelgan vaqtida qo‘lga olingan. Hozirda mazkur holat yuzasidan Jinoyat kodeksining tegishli moddalari bilan jinoiy ish qo‘zg‘atilgan.
