Yevroittifoq asta-sekin Rossiya ko‘miri, neft va gazidan voz kechadi
Bu haqda “Reuters” agentligi xabar berdi.
Agentlik YEI Versal sammiti deklaratsiyasi loyihasiga asoslanib maʼlumot bergan.
"Beqarorlik, strategik raqobat va xavfsizlikka tahdidlarning o‘sishi munosabati bilan, biz o‘z xavfsizligimiz uchun ko‘proq javobgarlik olishga hamda Yevropa suverenitetini mustahkamlash, 2030 yilga kelib yangi rivojlanish modellari va investitsiyalarga qaramlikni kamaytirishga qaratilgan qatʼiy qadamlarni amalga oshirishga qaror qildik", — deyiladi ushbu deklaratsiyada. Demak, YI 2030-yilga kelib Rossiya energetik resurslariga bo‘lgan qaramlikdan qutilmoqchi.
Maʼlumot o‘rnida: Yevroittifoq davlatlari rahbarlarining norasmiy sammiti 10-11 mart kunlari Versalda bo‘lib o‘tadi.
Eslatib o‘tamiz, avvalroq YI bosh diplomati Jozep Borrel Rossiya gaziga sanksiya joriy etilmasligini aytgandi.
