Rossiya va Ukraina yetkachilari uchrashuvi tashkil etilishiga barcha asos bor – Erdo‘g‘an vakili
Avvalroq Segrey Lavrov Putinning Zelenskiy bilan uchrashishga tayyorligini aytgandi.
Putin va Zelenskiy yaqin kelajakda uchrashishi mumkin. Bu haqda Turkiya Prezidenti rasmiy vakili Ibrohim Kalin maʼlum qildi.
“Rossiya TIV rahbari Sergey Lavrov Putin hech qanday ikkilanishsiz Zelenskiy bilan uchrashishini maʼlum qildi. Men buni yaxshi yo'l deb hisoblayman. Uchrashuv tashkil etilishiga va uning yaqin kelajakda bo‘ladi deb hisoblashga asos bor”, – degan u.
U, shuningdek, Turkiya Rossiyaga qarshi sanksiyalarga qo‘shilmasligini yana bir bora taʼkidladi.
Maʼlumot o‘rnida: 10 mart kuni Rossiya va Ukraina tashqi ishlar vazirlari Turkiyada uchrashdi. Ushbu uchrashuv tashkillashtirilishiga Anqara tashabbus ko‘rsatgan. Muzokaralarda amalda hech qanday natijaga erishilmadi.
Eslatib o‘tamiz, avvalroq GFR sobiq kansleri Ukrainadagi vaziyatni yumshatish uchun Moskvaga borgani to‘g‘risida xabar berilgandi.
