Rossiya muvafaqqiyatga erishmaydi — Bayden
AQSH yetakchisi Ukraina bo‘yicha muhim bayonot berdi.
AQSH Ukrainada Moskvaga qarshi urush boshlamoqchi emas. Bu haqda Jozef Bayden maʼlum qildi.
"Biz Ukrainada Rossiyaga qarshi urushmaymiz. NATO va Rossiya to‘g‘ridan-to‘g‘ri to‘qnashuvi — bu uchinchi jahon urushi degani. Biz bunga yo‘l qo‘ymasligimiz kerak", — degan u.
Ammo shu bilan birga Oq uy rahbari NATOning har bir qarich yeri bor kuch bilan himoya qilinishini aytgan.
Bayden jurnalistlarning Rossiya Ukrainada kimyoviy quroldan foydalangani to‘g‘risidagi savolga aniq javob bermagan. "Men razvedka maʼlumotlari to‘g‘risida gapirmayman. Lekin Moskva kimyoviy quroldan foydalansa, javob beradi"—, deb taʼkidlagan u.
Bayden Rossiya Ukrainada muvafaqqiyatga erishmasligini alohida qayd etgan.
Eslatib o‘tamiz, avvalroq Putin va Zelenskiy uchrashuvi tashkil etilishi mumkinligi to‘g‘risida xabar berilgandi.
