Eronda yirik qo‘poruvchilikning oldi olindi – OAV
U yadro obyektlaridan biriga qaratilgan.
Eron yadro obyektlariga qo‘poruvchilikning oldi olindi. Bu haqda Eron davlat televideniyesi xabar berdi.
Unga ko‘ra, Islom inqilobi muhofizlari korpusi razvedka xizmati Fordodagi yadro inshootidagi xavfni bartaraf etgan. Qo‘poruvchilik Navro‘z arafasida amalga oshirilishi rejalashtirilgani aytilmoqda.
Hukumat yana-da to‘liqroq maʼlumot berishni maʼlum qilgan.
Maʼlumot o‘rnida: Eron yadro dasturi va yadro obyektlari unga qarshi joriy etilgan sanksiyalarning asosiy sababi hisoblanadi. O‘tgan yillar davomida u bir necha bor yirik yong‘in va portlashlar nishoniga aylangan. Eron bunda asosan Isroilni ayblab keladi.
Eslatib o‘tamiz, avvalroq Eron Iroqdagi Arbil shahriga raketa zarbasi bergani to‘g‘risida xabar berilgandi.
