Shveysariya Milliy banki delegatsiyasi O‘zbekistonga tashrif buyurdi
Ular Markaziy bankka texnik ko‘mak ko‘rsatishmoqchi.
O‘zbekiston Respublikasi Markaziy bankida Shveysariya Milliy banki xalqaro hamkorlik boshqarmasi rahbari Attilio Zanetti boshchiligidagi delegatsiya vakillari bilan uchrashuv bo‘lib o‘tdi. Bu haqda MB rasmiy telegram sahifasida xabar qilindi.
Ma’lum qilinishicha, muloqot davomida global miqyosdagi risklarni inobatga olgan holda mamlakatdagi joriy makroiqtisodiy holat hamda prognozlar muhokama qilingan. Shuningdek, makroiqtisodiy modellashtirish va prognozlash jarayonlarini takomillashtirish borasida qo‘shma hamkorlikka oid dolzarb masalalar ko‘rib chiqilgan.
Shu bilan birga, Shveysariya Milliy banki vakillari moliyaviy barqarorlik yo‘nalishida O‘zbekiston Respublikasi Markaziy bankiga texnik ko‘mak ko‘rsatishga tayyorligini bildirgan.
Avvalroq Gulnora Karimovaning Shveytsariya bankida muzlatib qo’yilgan 70 mln dollarlik pullari qaytarib berilishi xabar qilingandi.
