AQSh bir qutbli dunyo qurmoqchi – Lavrov
Shuningdek, u Vashingtonning qator yirik davlatlarga ta’sir o‘tkaza olmasligini aytgan.
Yevropa amalda mustaqilligini yo‘qotgan. Bu haqda Rossiya tashqi ishlar vaziri Serey Lavrov ma’lum qildi.
Lavrovning so‘zlariga ko‘ra, Yevroittifoq AQSh qarshisida o‘z mustaqilligini talab qilmayapti.
“Qator davlatlar, xususan, Xitoy, Hindiston, Braziliya va Meksika AQSh kuyiga raqs tushmaydi. Rossiya hozir faqat o‘ziga va ittifoqchilariga suyanishi mumkin”, – degan RF bosh diplomati.
U Qo‘shma Shtatlar bir qutbli dunyoga intilayotganini ta’kidlagan.
“Bu sherif boshqaruvi ostidagi katta Amerika qishlog‘i bo‘ladi”, – deb qo‘shimcha qilgan vazir.
Avvalroq Sergey Lavrov Putinning Zelenskiy bilan uchrashishga tayyorligini ma’lum qilgandi.
