Telegram‘ni bloklamang — Pavel Durov
Messenjer asoschisi Braziliya Oliy Sudiga murojaat qildi.
Braziliya Oliy Sudi mamlakatda Telegram‘ni bloklash to‘g‘risida qaror chiqardi. Shu munosabat bilan Pavel Durov murojaat bilan chiqdi.
Bloklanishga sabab — messenjerdagi taqiqlangan kontent o‘z vaqtida o‘chirilmagan.
"Fikrimcha, bizda korporativ manzillarimiz va Braziliya Oliy Sudi o‘rtasida almashiladigan elektron xatlar bilan bog‘liq muammo yuzaga keldi. Oqibatda sud Telegram unga javob bermagani uchun mamlakatda messenjerni taqiqlashga qaror qildi.
Butun jamoamiz nomidan Braziliya Oliy Sudidan befarqlik uchun uzr so‘rayman. Shubhasiz biz ishimizni yaxshiroq qilishimiz mumkin edi.
Biz sudning fevral oxiridagi qarorini ijro etdik va xabarlarni o‘chirish to‘g‘risidagi bo‘lg‘usi xatlarni maxsus elektron pochtaga jo‘natishni taklif qildik. Afsuski, bizninsh maktubimiz yo‘qotiilgan bo‘lishi mumkin. Shuning uchun sud biz bilvn bog‘lvnish uchun eski elektron pochtaga jo‘natishni davom ettirgan. Oqibatda sudning martdagi qarorini o‘tkazib yubordik, unda maktublarni o‘chirish borasida yangi so‘rov bo‘lgan. Ammo bugun biz uni topdik va sud qarorni bajardik", — degan Durov.
U Telegram‘ni bloklash to‘g‘risidagi qarorni bir necha kun ortga surib turishni iltimos qilgan.
Eslatib o‘tamz, avvalroq Durov WhatsApp‘dagi xavfsizlikni tanqid qilgandi.
