Ukrainadagi urush global oziq-ovqat tanqisligiga olib kelishi mumkin – BMT
Tashkilotga ko‘ra, dunyoda “ochlik bo‘roni” kuchaymoqda.
Ukrainadagi urush dunyoda katta ochlik va global oziq-ovqat tizimining qulashiga olib kelishi mumkin. Bu haqda BMT Bosh kotibi Antoniu Guterrish Twitter’dagi sahifasida yozdi.
“Ukrainadagi urush allaqachon ta’minot zanjirlarini buzmoqda. Bu holat yoqilg‘i, oziq-ovqat va transport narxlarining keskin ko‘tarilishiga sabab bo‘lmoqda. Biz ochlik bo‘roni va global oziq-ovqat tizimining qulashiga yo‘l qo‘ymaslik uchun hamma narsani qilishimiz kerak”, degan u.
Eslatib o‘tamiz, avvalroq Rossiyaning Ukrainaga qarshi urushi Afrika mamlakatlarida ocharchilikka olib kelishi haqida xabar berilgandi.
