Janubiy Koreya Pxenyanga javoban raketa uchirdi
Harbiylar quruqlik, dengiz va havodan uchiriladigan raketalarni sinovdan o‘tkazishni boshlagan.
Bugun, 24-martdan Janubiy Koreya harbiylari quruqlik, dengiz va havodan uchiriladigan raketalarni sinovdan o‘tkazishni boshladi. Bu haqda “Yonhap” axborot agentligi xabar qildi.
Qayd etilishicha, ushbu sinovlar Shimoliy Koreyaning qit’alararo ballistik raketalarni ushirishiga javob tariqasida amalga oshirilmoqda.
Ma’lumotlarga ko‘ra, Janubiy Koreya tomonidan jami beshta raketa uchirilgan. Mashg‘ulotlar Pxenyanga to‘g‘ridan-to‘g‘ri “signal yuborish”ga qaratilgan.
Shuningdek, Janubiy Koreya hukumati Shimoliy Koreya tomonidan raketa uchirilishini mamlakat xavfsizligiga tahdid deb atagan.
Eslatib o‘tamiz, Shimoliy Koreya davlati birgina yanvar oyida yettita raketani sinovini o‘tkazgan.
