Yevropa bozorini gaz bilan to‘ldira olmaymiz – Qatar vaziri
Avvalroq Erdo‘g‘an o‘z xalqini rus gazisiz qoldira olmasligini aytgan edi.
Qatar energetika vaziri Saad bin Sharid al-Kaabiy Rossiyaning Yevropaga yetkazib beradigan gazining muqobili yo‘qligini tan oldi. Bu haqda “Kommersant’” xabar berdi.
Vazirning so‘zlariga ko‘ra, Qatarning joriy gaz quvvatlari Yevropa bozorini qanoatlantirishga qodir emas. Shuningdek, u Doha hech kimning tarafini olmayotganini va biznes tamoyillari asosida harakat qilayotganini aytgan.
Shu bilan birga, Al-Kaabiy kelajakda Yevropani ta’minlashi mumkinligini ta’kidlagan.
Bundan tashqari, Qatar vaziri Rossiyaning gazga to‘lovlarni rublda to‘lashni talabiga izoh berar ekan, bu qaror harbiy vaziyat bilan bog‘liqligini va uzoq istiqbolli kelishuvlarga ta’sir o‘tkaza olmasligini taxmin qilgan.
Avvalroq Erdo‘gan Turkiyani Rossiya gazisiz qoldira olmasligini aytgan edi.
