Serbiya NATO a’zosi bo‘ladimi?
Mamlakat prezidenti bu bo‘yicha rejalarini ochiqladi.
Serbiya NATOga a’zo bo‘lmaydi. Bu haqda mamlakat prezidenti Aleksandr Vuchich ma’lum qildi.
"Men sizlarga aytaman: biz NATOga kirmaymiz. Chunki ularning mamlakatimizda nima qilganini esdan chiqara olmaymiz. Biz o‘z erkimiz, osmonimiz va yerimizni o‘zimiz himoya qilishni istaymiz", — degan u Bor shahridagi saylovoldi chiqishida.
Ma’lumot o‘rnida: 1999 yil 24 mart kuni NATO sobiq Yugoslaviyaga qarshi harbiy operasiya boshlagan edi. Alyans ma’lumotlariga ko‘ra, operasiya davomida aviasiya 10 ming marta bombardimon parvozlarini amalga oshirgan. Oqibatda 3.5 — 4 ming atrofida serblar halok bo‘lgan. Serbiyaga jami 100 milliard dollarlik moddiy zarar yetkazilgan.
Avvalroq NATO harbiy tayyorgarlikni kuchaytirishi to‘g‘risida xabar berilgandi.
