0
Ertaga poytaxtdagi qator ko‘chalar vaqtincha yopiladi
Toshkent shahar hokimligi buning sababini ochiqladi.
2022 yilning 2 aprel kuni Olmazor tumanida «Ajdodlar matonati va jasorati — avlodlar uchun namunadir!» shiori ostida 5 300 metrga ommaviy yugurish marafoni o‘tkaziladi.
Sport tadbiri soat 9:00 da Toshkent tibbiyot akademiyasidan boshlanadi va 11:00 gacha davom etadi. Finish nuqtasi Toshkent davlat texnika universiteti.
Marafon davrida Olmazor tumanidagi bir necha ko‘chalar vaqtincha yopiladi:
— H.Azimov ko‘chasidan Shifokorlar 1, 2, 3 ko‘chasigacha;
— Shifokorlar 1, 2, 3 ko‘chasidan Mirzo Gʻolib ko‘chasigacha;
— Mirzo Gʻolib ko‘chasidan Muxbir ko‘chasigacha;
— Muxbir ko‘chasidan Universitet ko‘chasigacha.
