Pokiston AQSH uchun strategik ahamiyatga ega — Oq uy
Vashington Islomobodda hokimiyat almashganiga munosabat bildirdi.
AQSH Pokiston bilan hamkorlikni qadrlaydi. Bu haqda Oq uy matbuot kotibi Jen Psaki maʼlum qildi.
"Biz Pokiston bilan azaliy hamkorligimizni qadrlaymiz. AQSH manfaatlari uchun farovon va demokratik Pokiston strategik ahamiyatga ega", — degan u.
Maʼlumot o‘rnida: 11 aprel kuni Imron Xon Pokiston bosh vazirligidan chetlatilib, uning o‘rnini Shahboz Sharif egalladi. Xon mamlakatdagi siyosiy inqirozda G‘arb davlatlarini ayblamoqda. Uning bosh vazirligi davrida Islomobod AQSH va Yevropadan ancha uzoqlashib, Xitoy bilan aloqalarni kengaytirdi.
Avvalroq Imron Xon tarafdorlarini namoyishlarga chiqishga chaqirgandi.
