Kafolatchi davlatlar Ukrainaga qisqa muddatda askarlar yetkazib berishi kerak — Zelenskiy
Ukraina prezidenti xavfsizlik kafolati shartlarini ochiqladi.
U buni "odamlar — soat" formulasi deb atagan.
"Men bizga xavfsizlik kafolati kerakligini va biz aynan o‘zimiz uchun zarur narsani so‘rayotganimni bilaman. Eng muhimi — bu odamlar va muddatlar. Fikrimcha, xavfsizligimiz kafolati "odamlar — soatlar" formulasiga asoslanishi kerak", — degan u.
Zelenskiyning so‘zlariga ko‘ra, mamlakat xavfsizligiga tahdid tug‘ilgan taqdirda, Kafolatchi davlatlar birinchi kuni qaror qabul qiladi, keyingi kunlari o‘z askarlarini jo‘natadi.
"Bu biz uchun tez yordamga teng", — deb qo‘shimcha qilgan Ukraina yetakchisi.
Avvalroq BMT bosh kotibi Kiyevda turgan paytda Rossiya shaharga raketa zarbalari bergani to‘g‘risida xabar berilgandi.
