0
Imron Xon: AQSH bizning aviabazalarga muhtoj
Shuningdek, u yana bir bor Vashingtonni o‘ziga qarshi fitnada aybladi.
AQSH Afg‘onistondagi vaziyatni monitoring qilishi uchun Pokiston aviabazalariga muhtoj. Bu haqda mamlakat sobiq bosh vaziri Imron Xon maʼlum qildi.
Uning so‘zlariga ko‘ra, o‘zining lavozimidan ayrilishi Vashington ssenariysi bo‘yicha amalga oshirilgan. Xon AQSH undan Rossiya va Xitoy bilan hamkorlikni to‘xtatishni talab qilganini taʼkidlagan. Shu bilan birga u Qo‘shma Shtatlarga nisbatan dushmanlik siyosati emas, balki mustaqil siyosat olib borganini qayd etdi.
Xon Islomobodga hech qanday nizolarga aralashmaslikni maslahat bergan.
Avvalroq Pokiston milliy xavfsizlik qo‘mitasi Imron Xonga qarshi hech qanday fitna bo‘lmaganini maʼlum qilgandi.
