Pekinda epidemiologik vaziyat og‘irlashgani maʼlum qilindi
Yakshanba kuni Xitoy poytaxtida yuzga yaqin koronavirus holatlari aniqlandi.
22 mayda Xitoy poytaxtida 99 koronavirus holatlari aniqlandi. Bu haqda Pekin maʼmuriyati maʼlumot berdi.
Ularning 83 nafari tasdiqlangan va 16 nafari simptomsiz holatlar bo‘lgan. Bu shanba kunga nisbatan anchaga ko‘p. 21 may kuni shaharda 52 koronavirus holatlari aniqlangandi.
Yakshanba kuni Pekin maʼmuriyatining rasmiy vakili Syuy Xeszyan shaharda og‘ir epidemiologik vaziyat shakllanganini maʼlum qilgan. Shu munosabat bilan u masofaviy ish tartibini saqlab qolishga chaqirgan.
Hozirda Xitoy poytaxtida ko‘ngilochar muassasalar faoliyati to‘xtatilgan. Ovqatlanish muassasalarida faqat yetkazib berish xizmatlari yo‘lga qo‘yilgan.
Avvalroq Pekinda metro faoliyati to‘xtatilgani to‘g‘risida xabar berilgandi.
