O‘zbekistonda “Rektorlar maktabi” tizimi yo‘lga qo‘yiladi
Bu bo‘yicha Hukumat qarori qabul qilindi.
Hukumat qarori bilan Respublika oliy ta’lim kengashi tarkibi yangilandi va kengashga yangi vakolatlar berildi. Xususan, kiritilgan o‘zgarishlarga muvofiq endilikda:
➖ Oliy ta’lim sohasiga tegishli barcha normativ-huquqiy hujjatlar loyihalari Kengash bilan kelishiladi;
➖ Respublika oliy ta’lim kengashi Toshkent davlat transport universiteti binosiga tekin foydalanish huquqi asosida joylashtiriladi;
➖ respublikadagi barcha oliy ta’lim muassasalari va rektorlarning mustaqil reytingini shakllantirish hamda ularning yillik o‘sish dinamikasini ta’minlash bo‘yicha tashkiliy masalalarda ko‘maklashiladi.
Toshkent davlat transport universiteti rektori lavozimida ishlab kelayotgan Odil Abduraxmanov bir vaqtning o‘zida Kengashga raislik qiladi.
