Vladimir Putin kuzda O‘zbekistonga keladi
Tashrif davomida Prezident SHHT sammitida ishtirok etadi.
Rossiya Prezidenti Vladimir Putin joriy yilning sentyabr oyida O‘zbekistonga tashrif buyuradi. Bu haqda “TASS” nashri xabar berdi.
Qayd etilishicha, Putin tashrif davomida 15-16 sentyabr kunlari Samarqand shahrida bo‘lib o‘tadigan Shanxay hamkorlik tashkiloti sammitida ishtirok etadi.
Shuningdek, Rossiya yetkachisi 14 oktabrda Qozog‘iston poytaxti Nur-Sulton shahrida bo‘lib o‘tadigan MDH davlatlari rahbarlari kengashining yig‘ilishida qatnashadi.
SHHT sammitida tashkilotga a’zo ko‘plab davlatlar bilan umumiy chegaraga ega Afg‘onistondagi vaziyat har tomonlama muhokama qilinishi kutilmoqda.
