Vashington Kiyevga zamonaviy reaktiv tizimlarni taqdim etdi
U 450 million dollarlik yangi harbiy yordam paketi doirasida berilgan.
AQSH Ukrainaga navbatdagi harbiy yordam paketini ajratdi. Bu haqda Oq uy milliy xavfsizlik kengashining strategik kommunikatsiyalar bo‘yicha koordinatori Jon Kirbi maʼlum qildi.
“Qo‘shma Shtatlar Ukrainaga xavfsizlik sohasida 450 million dollarlik yordam ajratganini eʼlon qildi... U o‘z ichiga qurollar va harbiy texnika, xususan, HIMARS tizimi, o‘n minglab artilleriya snaryadlari, shuningdek, patrul katerlarini oladi”, — degan u.
Kirbining qo‘shimcha qilishicha, 24 fevraldan buyon Vashington Kiyevga 6.1 milliard dollarlik harbiy ko‘mak jo‘natgan.
Avvalroq Ukraina mudofaa vaziri NATO bosh kotibi bilan uchrashgandi.
