Бизнинг қўлимизда бутун НАТО хавфсизлиги турибди — Алексей Резников
Украина мудофаа вазири НАТО бош котиби билан учрашди.
Украина мудофаа вазири Алексей Резников НАТО бош котиби Йенс Столтенберг билан учрашди. Бу ҳақда BBC хабар берди.
"Учрашув жуда сермаҳсул бўлди. Россия билан можарога келсак, бу масалада фикримиз аниқ: бизни ҳеч ким тўхтата олмайди. Бизнинг қўлимизда бутун Евроатлантика макони хавфсизлиги турибди. Бу қўллар янада оғир қуроллар олиши керак", — деган у.
Бундан олдин АҚШ мудофаа вазири Ллойд Остин ҳам Киевга қурол етказиб беришни кўпайтиришга чақирганди. Унинг фикрича, Россия ҳужумини қайтариш учун украин армиясига оғир қуроллар зарур.
Аввалроқ Вашингтон Киевга ойига 1.5 миллиард доллардан ажратиши тўғрисида хабар берилганди.
