Namanganda Laсetti avtohalokatga uchradi
Hodisa oqibatida jarohat olganlar yo‘q.
Ijtimoiy tarqmoqda Namangan shahrida Lacetti ishtirokida yo‘l-transport hodisasi sodir bo‘lgani haqida xabarlar tarqaldi. Holat yuzasida viloyat IIB YHXX rasmiy munosabat bildirdi.
Ma’lum qilinishicha, 25-iyun kuni soat 02:30 atrofida Namangan shahrining Amir Temur ko‘chasida Lacetti rusumli avtomashinani boshqarib ketayotgan haydovchi harakat xavfsizligini ta’minlay olmay, beton to‘siqqa borib urilgan.
“Hodisa oqibatida avtomashina texnik shikastlangan, jarohat olganlar yo‘q”, — deyiladi xabarda.
Hozirda holat yuzasidan qo‘shimcha surishtiruv ishlari olib borilmoqda.
Eslatib o‘tamiz, bundan oldin Namangan viloyatida Damas ortilgan yuk mashinasi yo‘l-transport hodisasiga uchragandi. Oqibatda 9 ta avtomobilga texnik shikast yetgan.
