Al-Buxoriy fondining bebaho o‘zbek kolleksiyasiga bag‘ishlangan kitob-albomning taqdimoti o‘tkazildi
Albomda taqdim etilgan eng nodir artefakt VII–VIII asrlarga oid so‘g‘diyona shoyi chopondir.
O‘zbekiston madaniy merosini o‘rganish, asrash va ommalashtirish bo‘yicha Butunjahon jamiyatining VI Kongressi doirasida, Malayziyaning Kuala–Lumpur shahridagi Islom sanʼati muzeyi Al-Buxoriy fondining bebaho o‘zbek kolleksiyasiga bag‘ishlangan kitob-albomning taqdimoti bo‘lib o‘tadi.
Bular: o‘rta asrlardagi Buxoro va Samarqandning manuskriptlari, Buxoroning tilla zargarlik buyumlari, o‘zbek xonliklari aholisining mashhur abr matolari va kiyim-kechaklari namunalari, shuningdek, musulmonlar renessansi (IX–XII asrlar) Samarqand (Afrosiyob) va Buxoro xonligi (XVIII asr) davrida yaratilgan kulolchilik buyumlaridir.
Albomda ushbu to‘plamning eng yorqin qismi – O‘zbekiston shaharlarida yaratilgan Qurʼonlar va qo‘lyozmalar, kulolchilik buyumlari, qurol-yarog‘lar, qimmatbaho buyumlar hamda taqinchoqlar, numizmatika taqdim etiladi. Albomda taqdim etilgan eng nodir artefakt VII–VIII asrlarga oid so‘g‘diyona shoyi chopondir.
Albomda, shuningdek XII–XIII asr boshlariga tegishli eng qadimiy qo‘lyozmalardan biri- Al-Jurjoniyning “Ad-Zahira al-Xorazmshohiya” yoki “Xorazm shohi xazinalari” asari ham taqdim etiladi. Qo‘lyozma xorazmshohlar poytaxti — Xivada yaratilgan bo‘lib, bu sulola tarixiga bag‘ishlangan.
O‘zbekistondan topilgan osori-atiqalar to‘plami ilk bor, bir nashrda keng ommaga taqdim etilmoqda.
Malayziya Islom sanʼati muzeyi Kuala-Lumpurdagi eng yirik muzeylardan biridir. U 1998 yilda tashkil etilgan bo‘lib, shahar markazida, islom meʼmorchiligi uslubida Milliy masjid yaqinida, maxsus qurilgan to‘rt qavatli binoda joylashgan.
Kitobni yaratish — O‘zbekiston Respublikasi Tashqi ishlar vazirligi va O‘zbekiston Respublikasining Malayziyadagi elchixonasi ko‘magida amalga oshirildi.
Eslatib o‘tamizki, loyiha Eriell Group xalqaro neft xizmatlari kompaniyasi ko‘magida amalga oshirilmoqda. Kitob-albom O‘zbekiston madaniy merosini o‘rganish, asrash va ommalashtirish bo‘yicha Butunjahon jamiyatining 2022 yil yozida bo‘lib o‘tadigan VI Kongressida taqdim etiladi.
